ਵਾੜ ਖੇਤ ਨੂੰ ਖਾਵੇ ।

ਅੱਜ-ਕੱਲ੍ਹ ਬੂਟੇ ਲਾਉਣ ਦਾ ਰਿਵਾਜ ਚੱਲ ਰਿਹੈ। ਕੁਦਰਤ ਨੂੰ ਖ਼ਤਰਾ ਹੈ। ਵਾਤਾਵਰਨ ਪਲੀਤ ਹੋ ਰਿਹੈ। ਸੋ ਕੁੱਝ ਲੋਕਾਂ ਨੇ ਵਾਤਾਵਰਨ ਨੂੰ ਬਚਾਉਣ ਲਈ ਮੁਹਿੰਮ ਵਿੱਢੀ ਹੋਈ ਹੈ। ਕੁੱਝ ਲੋਕ ਇਸ ਨੂੰ ਰਿਵਾਜ ਸਮਝ ਬੈਠੇ ਹਨ।ਇਸ ਲਈ ਉਹ ਪੌਦੇ ਲਾ ਕੇ ਫੋਟੋਆਂ ਖਿਚਵਾਉਂਦੇ ਹਨ। ਬੂਟਿਆਂ ਨੂੰ ਜਾਨਵਰਾਂ ਤੋਂ ਬਚਾਉਣ ਲਈ ਟ੍ਰੀ ਗਾਰਡ ਲਾਉਂਦੇ ਹਨ। ਤੇ ਫਿਰ ਭੁੱਲ ਜਾਂਦੇ ਹਨ।

 ਵਾੜ ਖੇਤ ਨੂੰ ਖਾਵੇ ਇਹ ਪੁਰਾਣੀ ਕਹਾਵਤ ਹੈ । ਇਸੇ ਤਰ੍ਹਾਂ ਰੁੱਖਾਂ ਦੀ ਰਾਖੀ ਲਈ ਲਾਏ ਗਏ ਟ੍ਰੀ ਗਾਰਡ ਜਦੋਂ ਵਕਤ ਆਉਣ 'ਤੇ ਹਟਾਏ ਨਾ ਜਾਣ ਤਾਂ ਇਹ ਰੁੱਖਾਂ ਦੀਆਂ ਵੱਖੀਆਂ 'ਚ ਧਸ ਜਾਂਦੇ ਹਨ । ਇਹ ਦ੍ਰਿਸ਼ ਲੁਧਿਆਣਾ ਦੇ ਬੀਆਰਅਐਸ ਨਗਰ ਦੇ ਇੱਕ ਧਾਰਮਿਕ ਸਥਾਨ ਦੇ ਬਾਹਰ ਦਾ ਹੈ ।

ਸਿਤਮ ਦੀ ਗੱਲ ਇਹ ਹੈ ਕਿ ਪਿੰਜਰੇ ਕੱਢਣ ਦੀ ਥਾਂ ਉੱਪਰੋਂ ਰੁੱਖ ਕੱਟ ਦਿੱਤੇ ਗਏ ਹਨ । ਇਹੋ ਜਿਹੇ ਦ੍ਰਿਸ਼ ਤੁਹਾਡੇ ਸ਼ਹਿਰ, ਗਲੀ ਮੁਹੱਲੇ ਵਿੱਚ ਵੀ ਹੋ ਸਕਦੇ ਹਨ । ਜੇ ਤੁਸੀਂ ਵੀ ਕੋਈ ਪਿੰਜਰਾ ਲਾਇਆ ਹੈ ਤਾਂ ਸਮੇਂ ਸਿਰ ਕੱਢ ਦਿਓ । ਇਸ ਧਾਰਮਿਕ ਸੰਸਥਾ ਦੇ ਪ੍ਰਧਾਨ ਜੀ ਨੂੰ ਵੀ ਬੇਨਤੀ ਹੈ ਕਿ ਉਹ ਇਨ੍ਹਾਂ ਰੁੱਖਾਂ ਨੂੰ ਆਜ਼ਾਦ ਕਰਵਾਉਣ ।

                                                       
                           ਸਰਬਜੀਤ ਧੀਰ