ਬੋਲੀਆਂ
ਸਰਬਜੀਤ ਧੀਰ
ਕੰਮ ਕਾਰ ਨਾ ਕੋਈ ਕਰਦੇ
ਵਿਹਲੇ ਫਿਰਦੇ ਮੁੰਡੇ।
ਸਮੇਂ ਦੀਏ ਸਰਕਾਰੇ
ਤੂੰ ਤਾਂ ਸੌਂ ਗਈ ਲਾਕੇ ਕੁੰਡੇ
ਮੁੰਡੇ ਕੰਮ ਮੰਗਦੇ
ਉੱਠ ਸੁੱਤੀਏ ਸਰਕਾਰੇ
ਮੁੰਡੇ ਕੰਮ ਮੰਗਦੇ।
ਖੇਤਾਂ ਦੇ ਵਿੱਚ ਰੁਲੇ ਬੁਢਾਪਾ
ਸੜਕ ‘ਤੇ ਰੁਲੇ ਜਵਾਨੀ।
ਦੁੱਖਾਂ ਮਾਰੇ ਲੋਕਾਂ ਦੀ
ਕੋਈ ਸੁਣਦਾ ਨਹੀਂ ਕਹਾਣੀ
ਚਾਰ ਪਾਸੇ ਅਫਰਾ ਤਫਰੀ
ਲੱਗਦੇ ਪਏ ਨੇ ਨਾਅਰੇ
ਲੋਕੀ ਹੱਕ ਮੰਗਦੇ
ਸੁਣ ਸੁੱਤੀਏ ਸਰਕਾਰੇ
ਲੋਕੀ ਹੱਕ ਮੰਗਦੇ।
***
ਕੁੱਤੀ ਚੋਰ ਦੀ ਸਾਂਝ ਭਿਆਲੀ
ਸਾਂਝਾ ਚੱਲਦਾ ਧੰਦਾ
ਰਾਖੀ ਦੀ ਥਾਂ ਲੋਕਾਂ ਉੱਤੇ
ਚੌਂਕੀਦਾਰ ਚਲਾਵੇ ਡੰਡਾ
ਆਪਣਾ ਦਰਦ ਸੁਣਾਵੇ ਕਿਸ ਨੂੰ
ਕਿੱਧਰ ਜਾਵੇ ਬੰਦਾ
ਅੱਖਾਂ ਮੀਟ ਲਈਆਂ
ਤੂੰ ਸ਼ਾਤਰ ਸਰਕਾਰੇ
ਅੱਖਾਂ ਮੀਟ ਲਈਆਂ।
***
ਰੇਅ ਸਪਰੇਹਾਂ ਖਾ ਲਈ ਧਰਤੀ
ਪਾਣੀ ਹੋਇਆ ਜ਼ਹਿਰੀ
ਕਿਰਤ ਕਮਾਈ ਲੁੱਟ ਕੇ ਲੈ ਗਏ
ਮੁਨਾਫੇਖੋਰ ਵਪਾਰੀ
ਤੈਨੂੰ ਸਾਰ ਨਹੀਂ
ਉੱਠ ਸੁੱਤੀਏ ਸਰਕਾਰੇ
ਤੈਨੂੰ ਸਾਰ ਨਹੀਂ।
ਮਿਹਨਤ ਬਦਲੇ ਮੰਡੀ ਦੇ ਵਿੱਚ
ਮੁੱਲ ਨਾ ਮਿਲਦਾ ਪੂਰਾ
ਕੰਮ ਵੀ ਦੂਹਰਾ
ਹਰ ਇੱਕ ਵਸਤੂ ਹੋਗੀ ਮਹਿੰਗੀ
ਪੈਂਦਾ ਨਹੀਂਓਂ ਪੂਰਾ
ਕਰ ਦਿੱਤਾ ਲੱਕ ਦੂਹਰਾ
ਤੈਨੂੰ ਫਿਕਰ ਨਹੀਂ
ਸੁਣ ਵੱਡੀਏ ਸਰਕਾਰੇ
ਤੈਨੂੰ ਫਿਕਰ ਨਹੀਂ
***
ਉਠੋ ਲੋਕੋ ਖੋਲ੍ਹੋ ਅੱਖਾਂ
ਆਪਣੇ ਹੱਕ ਪਛਾਣੋ
ਰੋਟੀ ਦਾ ਹੈ ਮਸਲਾ ਸਾਂਝਾ
ਸਾਂਝੀ ਮਰਜ਼ ਪਛਾਣੋ
ਇਹ ਸੱਚ ਜਾਣੋ
ਏਕੇ ਦੇ ਵਿੱਚ ਬਰਕਤ ਕਹਿੰਦੇ
ਕੁੱਟ ਖਾਂਦੇ ਨੇ ਕੱਲੇ
ਲੋਟੂ ਟੋਲੇ ਨੂੰ
ਲੈ ਲੋ ਗੋਢਿਆਂ ਥੱਲੇ
ਲੋਟੂ ਟੋਲੇ ਨੂੰ
-----------
ਮੋਬਾਈਲ ਨੰਬਰ-88722-18418
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.