ਵਿਵੇਕ ਕੋਟ ਈਸੇ ਖਾਂ ਦੀਆਂ ਚਾਰ ਬਾਲ ਕਵਿਤਾਵਾਂ
ਨੀ ਚਿੜੀਏ
ਨੀ ਚਿੜੀਏ ਆ ਖਾ ਲੈ ਦਾਣਾ।
ਚੀਂ -ਚੀਂ ਵਾਲਾ ਸੁਣਾ ਜਾ ਗਾਣਾ।
ਨਿੱਕੀ ਜਿਹੀ ਤੂੰ ਬੜੀ ਸਿਆਣੀ।
ਚੁੰਝ ਭਰ ਕੇ ਪੀ ਲੈ ਪਾਣੀ।
ਇਧਰ ਉਧਰ ਤੂੰ ਉੱਡਦੀ ਫਿਰਦੀ।
ਇੰਝ ਲਗਦਾ ਜਿਵੇਂ ਤੂੰ ਏਂ ਡਰਦੀ।
ਨਾ ਡਰ ਮੇਰੀ ਛੱਤ 'ਤੇ ਆ ਜਾ।
ਅੰਬਰ ਦੀ ਕੋਈ ਗੱਲ ਸੁਣਾ ਜਾ।
ਤੀਲਾ ਤੀਲਾ ਚੁਗਦੀ ਫਿਰੇਂ।
ਕਰ ਇੱਕਠੇ ਆਲ੍ਹਣੇ 'ਚ ਧਰੇਂ।
ਨਿੱਕੇ ਨਿੱਕੇ ਬੋਟ ਆਉਂਣਗੇ।
ਰੌਣਕਾਂ ਘਰ ਵਿੱਚ ਲਾਉਂਣਗੇ।
ਤੇਰੇ ਤੋਂ ਜਾਵਾਂ ਮੈ ਬਲਿਹਾਰੀ।
ਮਿਹਨਤ ਬਹੁਤ ਹੈ ਤੇਰੀ ਭਾਰੀ।
ਗਰਮੀ ਸਰਦੀ ਹੈ ਜਾਂ ਬਰਸਾਤ।
ਬਿਨ ਤੇਰੇ ਨਾ ਚੜੇ ਪ੍ਰਭਾਤ।
ਸੁਖ ਸੁਨੇਹੇ ਲੈ ਕੇ ਆਵੇਂ।
ਵਿਵੇਕ ਦੇ ਤੂੰ ਮਨ ਨੂੰ ਭਾਵੇਂ।
ਇੱਕ ਗੱਲ ਮੇਰੀ ਸੁਣ ਲਵੋ ਸਰਦਾਰ ਜੀ।
ਰੁੱਖ ਭਾਂਵੇ ਲਾਈ ਜਾਵੋ ਹਜ਼ਾਰ ਜੀ।
ਬਿਨਾਂ ਸੁਰਖਿਆ ਦੇ ਕੰਮ ਹੈ ਅਧੂਰਾ
ਖਾ ਜਾਣ ਡੰਗਰ ਰੁੱਖ ਬਣਦਾ ਨਾ ਪੂਰਾ
ਇਹਦੀ ਰੱਖਿਆ ਦੀ ਕਰਾਂ ਪੁਕਾਰ ਜੀ।
ਇੱਕ ਗੱਲ ਮੇਰੀ……।
ਰੱਖ ਲਾਓ ਹੈ ਬਹੁਤ ਵਧੀਆ ਗੱਲ
ਦੂਸ਼ਿਤ ਵਾਤਾਵਰਣ ਦਾ ਇਹੋ ਹੈ ਹੱਲ
ਰੁੱਖ ਲਿਆਉਂਦੇ ਹਵਾ ਠੰਡੀ ਠਾਰ ਜੀ।
ਇੱਕ ਗੱਲ ਮੇਰੀ ……।
ਲਾ ਕੇ ਬੂਟੇ ਫੋਟੋ ਖਿਚਵਾਂਉਦੇ ਹੋ
ਪ੍ਰਚਾਰ ਵੀ ਥਾਂ ਥਾਂ ਕਰਵਾਉਂਦੇ ਹੋ
ਵਾਹ ਵਾਹ ਕਰਦਾ ਸਾਰਾ ਸੰਸਾਰ ਜੀ
ਇੱਕ ਗੱਲ ਮੇਰੀ……।
ਨਾ ਵਾੜ ਨਾ ਪਾਉਂਦਾ ਕੋਈ ਪਾਣੀ
ਤਿੰਨ ਚਾਰ ਦਿਨਾਂ ਚ ਬੱਸ ਖਤਮ ਕਹਾਣੀ
ਕੀਤੀ ਮਿਹਨਤ ਸਭ ਜਾਂਦੀ ਬੇਕਾਰ ਜੀ।
ਇੱਕ ਗੱਲ ਮੇਰੀ……।
ਨਿੱਕੇ ਨਿੱਕੇ ਬੂਟੇ ਮੰਗਦੇ ਸੰਭਾਲ
ਬੱਚਿਆ ਵਾਂਗ ਇਹਨਾਂ ਦਾ ਰੱਖੀਏ ਖਿਆਲ
ਬਣ ਵਿਵੇਕ ਜਾਣਗੇ ਰੁੱਖ ਛਾਂਦਾਰ ਜੀ।
ਇੱਕ ਗੱਲ ਮੇਰੀ……।
ਰੁੱਖ ਪੰਛੀ ਫੁੱਲ
ਰੁੱਖ ਪੰਛੀ ਫੁੱਲਾਂ ਦੀ ਗੱਲ ਕਰੀਏ।
ਜਿ਼ੰਦਗੀ 'ਚ ਕੁੱਝ
ਰੰਗ ਭਰੀਏ।
ਬਜੁਰਗਾਂ ਦੀ ਅਸੀਸ ਵਰਗੀ ਰੁੱਖਾਂ ਦੀ ਛਾਂ,
ਬਰਕਤਾਂ ਉੱਥੇ ਰੁੱਖ ਨੇ ਜਿਸ ਥਾਂ।
ਗਮਲਿਆਂ ਵਿੱਚ ਫੁੱਲਾਂ ਨੂੰ ਉਗਾਓ,
ਬਿਨ ਨਾਗਾ ਇਹਨਾਂ ਨੂੰ ਪਾਣੀ ਪਾਓ।
ਟਹਿਕਦਾ ਘਰ ਜਦੋਂ ਮਹਿਕਦੇ ਫੁੱਲ,
ਦਿਲ ਨੂੰ ਖੁਸ਼ ਰੱਖਣ ਮਹਿਕਦੇ ਫੁੱਲ।
ਆਪਾਂ ਇਹ ਸਹੁੰ ਪੱਕੀ ਖਾਈਏ।
ਰੁੱਖਾਂ ਪੰਛੀਆਂ ਤੇ ਫੁੱਲਾਂ ਨੂੰ ਬਚਾਈਏ।
ਪੰਛੀ ਨੇ ਗਾਉਂਦੇ ਕੁਦਰਤ ਦਾ ਗੀਤ,
ਸੁਬਹ ਸਵੇਰੇ ਸੁਣੋ ਇਹ ਸੰਗੀਤ।
ਇਹਨਾਂ ਬਿਨਾਂ ਵਿਵੇਕ ਨਹੀਂ ਹੈ ਗੁਜਾਰਾ।
ਚੌਗਿਰਦਾ ਇਹਨਾਂ ਬਿਨ ਲੱਗੇ ਨਾ ਪਿਆਰਾ।
ਪਾਣੀ ਹੈ ਜੀਵਨ
ਪਾਣੀ ਹੈ ਜੀਵਨ ਸਮਝੋ ਇਹ ਸਚਾਈ।
ਬੂੰਦ ਬੂੰਦ ਕੀਮਤੀ ਮੇਰੇ ਪਿਆਰੇ ਭਾਈ।
ਨਹੀਂ ਕੋਈ ਜੋ ਪਾਣੀ ਬਿਨਾਂ ਰਹਿ ਜਾਵੇ,
ਪਾਣੀ ਹੀ ਆਖਿਰ ਸਾਡੀ ਜਾਨ ਬਚਾਵੇ।
ਜਲ ਬਿਨ ਮਛਲੀ ਤਰਾਂ ਜਾਨ ਬੁਲਾਂ ਤੇ ਆਈ,
ਪਾਣੀ ਹੈ ਜੀਵਨ... ।
ਅੱਜ ਪਾਣੀ ਵਿਅਰਥ ਗੁਆਵਾਂਗੇ,
ਆਉਣ ਵਾਲੇ ਦਿਨਾਂ 'ਚ
ਪਛਤਾਵਾਂਗੇ।
ਸਿਆਣਾ ਜਿਸ ਨੇ ਆਦਤ ਬੱਚਤ ਦੀ ਪਾਈ,
ਪਾਣੀ ਹੈ ਜੀਵਨ... ।
ਮੁਢ ਤੋਂ ਚਲਦੀ ਆਈ ਇਹ ਲੰਮੀ ਕਹਾਣੀ,
ਮਨੁੱਖਤਾ ਲਈ ਸਦਾ ਹੀ ਜਰੂਰੀ ਹੈ ਪਾਣੀ।
ਜਲ ਤਾਂ ਦੇਵਤਾ ਹਰ ਥਾਂ ਹੋਵੇ ਸਹਾਈ,
ਪਾਣੀ ਹੈ ਜੀਵਨ... ।
ਕੁਦਰਤ ਦਾ ਚੱਕਰ ਕਦੇ ਨਾ ਰੁਕਦਾ,
ਪਰ ਨਾ ਸਮਝੀ 'ਚ ਪਾਣੀ ਜਾਵੇ
ਮੁਕਦਾ।
ਅੰਤ ਵਿਵੇਕ ਹੋਵੇਗੀ ਪਾਣੀ ਲਈ ਲੜਾਈ,
ਪਾਣੀ ਹੈ ਜੀਵਨ ਸਮਝੋ ਇਹ ਸਚਾਈ।
ਸੰਪਰਕ -
ਗਿੰਨੀ ਬੁਕ ਡਿਪੂ
ਮੇਨ ਬਜਾਰ
ਕੋਟ ਈਸੇ ਖਾਂ(ਮੋਗਾ)
ਮੋਬਾਈਲ -70099 46458
ਇਹ ਵੀ ਪੜ੍ਹੋ -
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.