ਡਾ.ਮੇਹਰ ਮਾਣਕ ਦੀ ਕਵਿਤਾ ਅਤੇ ਗ਼ਜ਼ਲ
 |
Image by pics_kartub from Pixabay |
ਜੰਗਲ ਨਦੀਆਂ ਦੀ ਹੋਂਦ ਗਵਾਚੀ ਗੰਧਲ ਗਏ ਦਰਿਆ।
ਘੇਸਲ਼ ਮਾਰ ਕੇ ਸੁੱਤੀ ਦੁਨੀਆਂ ਸਭ ਕੁੱਝ ਹੋਇਆ ਤਬਾਹ।
ਲੁੱਟ ਖੋਹ ਨਫੇ ਦਾ
ਲਾਲਚ ਬੋਲ ਰਿਹਾ ਸਿਰ ਚੜ੍ਹ ਕੇ,
ਆਪੋ ਧਾਪੀ ਦੇ ਸਮਿਆਂ ਅੰਦਰ
ਕਿਸੇ ਨੂੰ ਕੀ ਪ੍ਰਵਾਹ।
ਕਾਹਦੀ ਸਭਿਅਤਾ ਕਾਹਦੇ ਬੰਦੇ ਪੱਲੇ ਅਕਲ ਨਾ ਧੇਲਾ,
ਅਜ਼ਮਤ ਕੁਦਰਤ ਦੀ ਲੁੱਟਣ ਲੱਗੇ ਨਾ ਰਹੀ ਕੋਈ ਸ਼ਰਮ ਹਯਾ।
ਪਾਣੀ ਮਿੱਟੀ ਹਵਾ ਕਰੀ ਪਲੀਤ ਛੱਡਿਆ ਕਿਹੜਾ ਪਾਸਾ?
ਆ ਰਹੀਆਂ ਪੁਸ਼ਤਾਂ ਦੇ ਲਈ ਹੋ ਰਿਹਾ ਬਜਰ ਗੁਨਾਹ।
ਤਰੱਕੀਆਂ ਦੇ ਧੂੰਏਂ ਧੂਆਂਖ ਦਿੱਤਾ ਕੁਦਰਤ ਦਾ ਅਜ਼ੀਮ ਸੁਹੱਪਣ,
ਬਿਨਾਂ ਤਬਾਹੀ ਕੁੱਝ ਨਹੀਂ ਨਿਕਲਣਾ ਫੜਿਆ ਜਿਹੜਾ ਰਾਹ।
ਪਰਖੋ ਨਾ ਸਬਰ ਕੁਦਰਤ ਦਾ ਕਦੇ ਕਦਰ ਤਾਂ ਕਰਨੀ ਸਿੱਖੋ,
ਪਲਾਂ ਵਿੱਚ ਉਹ ਸਭ ਮੇਟ ਕੇ ਧਰ ਜਾਏ ਭਲਾਂ ਬੰਦਾ ਕੀ ਬਲਾ।
ਗ਼ਜ਼ਲ
ਖ਼ਾਲੀ ਖ਼ਾਲੀ ਦੁਨੀਆਂ ਤੱਕ ਕੇ, ਤੂੰ ਵੀ ਧੁਰ ਤੱਕ ਭਰਿਆ ਹੋਣੈ।
ਮੈਂ ਵੀ ਤਾਂ ਹਾਂ ਅੱਧ ਅਧੂਰਾ, ਤੂੰ ਵੀ ਤਾਂ ਕੁੱਝ ਮਰਿਆ ਹੋਣੈ।
ਇੱਕ ਦੂਜੇ ਬਿਨ ਜੀ ਨਹੀਂ ਹੋਣਾ,ਏਸ ਸੱਚ ਨੂੰ ਜਾਣਦਿਆਂ ਵੀ
ਕੋਮਲ ਚਿੱਤ ਨੇ ਪਤਾ ਨਹੀਂ ਕਿੱਦਾਂ, ਦਿਲ 'ਤੇ ਪੱਥਰ ਧਰਿਆ
ਹੋਣੈ?
ਦਿਲ ਦਾ ਮਹਿਰਮ ਛੱਡਣਾ ਔਖਾ, ਹੁੰਦੀ ਪੀੜ ਡਾਢੀ ਤੇ ਡੂੰਘੀ
ਤੂੰ ਵੀ ਤਾਂ ਇੱਕ ਕੋਸਾ ਹੰਝੂ ,ਚੁੰਨਰੀ ਦੇ ਲੜ ਜੜਿਆ ਹੋਣੈ ?
ਜੀਂਦੇ ਜੀ ਪੈ ਜਾਂਦਾ ਡੁੱਬਣਾ ਤੇ ਨਾ ਲੱਭਣ ਕਿਤੇ ਗਵਾਚੇ
ਤੂੰ ਵੀ ਤਾਂ ਜ਼ਿੰਦਗੀ ਦੀ ਖਾਤਰ,ਵਾਂਗ ਲਾਸ਼ ਦੇ ਤਰਿਆ ਹੋਣੈ ?
ਵੇਗ ਵਕਤ ਨਾ ਵਸ ਕਿਸੇ ਦੇ,ਲੈ ਜਾਵੇ ਬੜਾ ਕੁੱਝ ਧੂਹ ਕੇ
ਵਸਲ ਮੇਰੇ ਦਾ ਅੰਤ ਕਿਨਾਰਾ, ਨੀਰਾਂ ਥਾਣੀਂ ਖਰਿਆ ਹੋਣੈ?
ਸਿਖਰ ਦੁਪਹਿਰੇ ਢਲਿਆ ਸੂਰਜ ਅੰਬਰ ਹੋਇਆ ਪੀਲ਼ਾ ਪੀਲ਼ਾ
ਢਲੀ ਸ਼ਾਮ ਦਾ ਰੰਗ ਸੰਧੂਰੀ, ਵੇਖ ਕੇ ਤੂੰ ਵੀ ਡਰਿਆ ਹੋਣੈਂ।
ਮੁਖੀ,
ਯੂਨੀਵਰਸਿਟੀ ਸਕੂਲ ਆਫ ਸੋਸ਼ਲ ਸਾਇੰਸਜ਼,
ਰਾਇਤ ਬਾਹਰਾ ਯੂਨੀਵਰਸਿਟੀ, ਖਰੜ, ਮੁਹਾਲੀ।
ਮੋਬਾਈਲ -90411-13193
Dr. Mehar
Manick
Head,
University
School of Social Sciences,
Rayatt
Bahra University, Kharar, Mohali.
Mobile-90411-13193
ਇਹ ਵੀ ਪਸੰਦ ਕਰੋਗੇ -
ਜਾ ਕੇ ਮਹਿਲਾਂ 'ਚ ਗੁਆਚੇ ਹਰ ਵਾਰੀ ਤੇ ਝੁੱਗੀਆਂ 'ਚੋਂ ਲੱਭੇ ਰੌਸ਼ਨੀਂ
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.