ਆਣ ਉਜਾੜਾ ਪੱਲੇ ਪੈ
ਗਿਆ/ ਡਾ. ਮੇਹਰ ਮਾਣਕ
Image source wikipedia.org
ਹੋਏ ਵੰਡਵਾਰੇ ਵਿੱਚੋਂ ਦੱਸੋ
ਕੀ ਖੱਟਿਆ
ਰੰਗਲਾ ਪੰਜਾਬ ਜੜੋਂ ਗਿਆ
ਪੱਟਿਆ
ਸਿਰਜੇ ਸੁਪਨਿਆਂ ਦਾ ਮਹਿਲ
ਇੱਕੋ ਹੱਲੇ ਢਹਿ ਗਿਆ।
ਕਦੇ ਸੋਚਿਆ ਵੀ ਨਹੀਂ ਸੀ ਜੋ
ਉਜਾੜਾ ਪੱਲੇ ਪੈ ਗਿਆ।
ਸੋਹਣੇ ਕੱਠੇ ਵਸਦੇ ਸੀ, ਬੈਠ ਸੱਥਾਂ ਵਿੱਚ
ਹਸਦੇ ਸੀ
ਨਾ ਵੇਖ ਕਦੇ ਮਚਦੇ ਸੀ, ਵਧੀਆ ਵਸਦੇ ਰਸਦੇ
ਸੀ
ਸਾਜਸ਼ਾਂ ਦੀ ਮਾਰ ਹੇਠ ਵਸਦਾ
ਹਰ ਬਨੇਰਾ ਯਾਰੋ ਢਹਿ ਗਿਆ।
ਉੱਤੋਂ ਚੰਦਰੇ ਸਾਉਣ ਭਾਦੋਂ
ਦਾ ਮਹੀਨਾ ਛੱਡ ਘਰ ਤੇ ਜ਼ਮੀਨਾਂ
ਸਮਾਂ ਹੋਇਆ ਬੇਯਕੀਨਾ ਹੁੱਟ
ਹੋਵੇ ਸਾਹ ਚੋਵੇ ਬਦਨੋਂ ਪਸੀਨਾ
ਰੁਲ਼ਣ ਰਾਹਾਂ ਵਿੱਚ ਲਾਸ਼ਾਂ
ਜ਼ਹਿਰ ਪਾਣੀਆਂ 'ਚ ਪੈ ਗਿਆ।
ਚੁੱਕ ਬੰਦੂਕਾਂ ਬਰਛੇ
ਤਲਵਾਰਾਂ, ਕਰਨ ਤੁਰੇ ਖੂਬ
ਲੁੱਟ ਮਾਰਾਂ
ਜ਼ੁਲਮ ਟੁੱਟਿਆ ਉਤੇ
ਮੁਟਿਆਰਾਂ, ਰੁਲੀਆਂ ਖੇਤਾਂ ਦੇ
ਵਿੱਚ ਨਾਰਾਂ
ਬਿਨਾਂ ਗੁਨਾਹੋਂ ਹਰ ਕੋਈ
ਮਾਰਨ ਦੂਜੇ ਤਾਂਈਂ ਬਹਿ ਗਿਆ।
ਖ਼ਲਕਤ ਹੋ ਗਈ ਬਰਬਾਦ ਸੀ, ਹੋਇਆ ਰਹਿਬਰ ਅਬਾਦ
ਸੀ
ਲੋਕਾਂ 'ਤੇ ਡਿੱਗੀ ਗਾਜ ਸੀ, ਮੁਲਕ ਨੇਤਾਵਾਂ ਲਈ
ਅਜਾਦ ਸੀ
ਚੰਦਰਾ ਮਨਸੂਬਾ ਬੇਗੁਨਾਹਾਂ
ਦੀ ਯਾਰੋ ਬੜੀ ਬਲੀ ਲੈ ਗਿਆ।
ਇਸ 'ਚੋਂ ਲੱਭਣਾ ਵੀ ਕੀ
ਸੀ, ਅਵਾਮ ਦੀ ਰੱਤ ਗਿਆ
ਪੀ ਸੀ
ਇਹ ਫੁੱਟ ਵਾਲਾ ਬੀ(ਜ) ਸੀ, ਬਣੀ ਲੀਡਰਾਂ ਲਈ
ਠੀ(ਹ) ਸੀ
ਕੁੱਝ ਤਾਂ ਸਿੱਖ ਲਓ ਪਾਣੀਂ
ਬੜਾ ਯਾਰੋ ਪੁਲਾਂ ਹੇਠੋਂ ਵਹਿ ਗਿਆ।
ਸੰਪਰਕ -
ਮੁਖੀ ,
ਯੂਨੀਵਰਸਿਟੀ ਸਕੂਲ
ਆਫ ਸੋਸ਼ਲ ਸਾਇੰਸਜ਼,
ਰਾਇਤ ਬਾਹਰਾ
ਯੂਨੀਵਰਸਿਟੀ ,
ਖਰੜ ,ਮੋਹਾਲੀ
ਮੋਬਾਈਲ -90411-13193
ਭਾਰਤ ਇੰਡੀਆ ਹਿੰਦੋਸਤਾਨ
/ ਜਸਵਿੰਦਰ ਸਿੰਘ ਕਾਈਨੌਰ
ਦੇਸ਼ ਮੇਰੇ ਦੇ ਤਿੰਨ—ਤਿੰਨ ਨਾਮ
ਭਾਰਤ, ਇੰਡੀਆ ਹਿੰਦੋਸਤਾਨ
ਸੰਨ ਸੰਤਾਲੀ ਤੋਂ ਪਹਿਲਾਂ ਇਸਦਾ
ਹੁੰਦਾ ਸੀ ਇਕੋ ਨਾਮ
ਹਿੰਦੋਸਤਾਨ ਬਈ ਹਿੰਦੋਸਤਾਨ
ਦੇਸ਼ ਵਾਸੀਆਂ ਦੀ ਸੀ ਇਕੋ ਆਵਾਜ਼
ਗੁਲਾਮੀ ਤੋਂ ਹੋਣਾ ਏ ਆਜ਼ਾਦ
ਹੋਏ ਅੰਦੋਲਨ ਲੜੀਆਂ ਗਈਆਂ ਲੜਾਈਆਂ
ਬੱਚਿਆਂ ਬੁੱਢਿਆਂ ਤੇ ਜਵਾਨਾਂ ਨੇ
ਸ਼ਹੀਦੀਆਂ ਸੀ ਫਿਰ ਪਾਈਆਂ
ਕਹਿੰਦੇ ਹੁਣ ਨੀ ਰਹਿਣਾ ਗੁਲਾਮ
ਦੇਸ਼ ਮੇਰੇ ਦੇ ਤਿੰਨ—ਤਿੰਨ ਨਾਮ
ਭਾਰਤ, ਇੰਡੀਆ ਹਿੰਦੋਸਤਾਨ
ਸਭ ਦੇ ਲਈ ਮਿਸਾਲ ਬਣ ਗਈ
ਭਗਤ ਸਿੰਘ ਦੀ ਕੁਰਬਾਨੀ
ਦੇਸ਼ ਦੀ ਆਜ਼ਾਦੀ ਦੇ ਖਾਤਿਰ
ਜਿਸਨੇ ਭੇਂਟ ਚੜ੍ਹਾਈ ਆਪਣੀ ਜਵਾਨੀ
ਸਾਰਿਆਂ ਨੂੰ ਆਪਾਂ ਸਿਜਦਾ ਕਰੀਏ
ਜੋ ਹੋ ਗਏ ਦੇਸ਼ ਆਪਣੇ ਤੋਂ ਕੁਰਬਾਨ
ਦੇਸ਼ ਮੇਰੇ ਦੇ ਤਿੰਨ—ਤਿੰਨ ਨਾਮ
ਭਾਰਤ, ਇੰਡੀਆ ਹਿੰਦੋਸਤਾਨ
ਹਿੰਦੂ, ਮੁਸਲਿਮ, ਸਿੱਖ ਈਸਾਈ
ਰਹਿੰਦੇ ਨੇ ਮਿਲਕੇ ਸਾਰੇ ਭਾਈ—ਭਾਈ
ਰੀਤੀ—ਰਿਵਾਜ਼ ਹੈ ਇਥੇ ਦੁਨੀਆਂ ਭਰਦੇ
ਸਭ ਨਾਲੋਂ ਵੱਖਰੀ ਹੈ ਇਸਦੀ ਪਹਿਚਾਣ
ਦੇਸ਼ ਮੇਰੇ ਦੇ ਤਿੰਨ—ਤਿੰਨ ਨਾਮ
ਭਾਰਤ, ਇੰਡੀਆ ਹਿੰਦੋਸਤਾਨ
ਆਓ ਮਿਲ ਕੇ ਸਹੁੰ ਇੱਕ ਪਾਈਏ
ਚਾਰੇ ਪਾਸੇ ਅਮਨ ਫੈਲਾਈਏ
ਦੇਸ਼ ਭਗਤੀ ਵਿੱਚ ਹਿੱਸਾ ਪਾ ਕੇ
ਦੇਸ਼ ਆਪਣੇ ਦਾ ਨਾਂ ਚਮਕਾਈਏ
ਦੇਸ਼ ਮੇਰੇ ਦੀ ਧਰਤੀ ਮਿੱਤਰੋ
ਜਸਵਿੰਦਰ ਦੀ ਹੈ ਜਿੰਦ ਜਾਨ
ਦੇਸ਼ ਮੇਰੇ ਦੇ ਤਿੰਨ—ਤਿੰਨ ਨਾਮ
ਭਾਰਤ, ਇੰਡੀਆ ਹਿੰਦੋਸਤਾਨ
ਕੋਠੀ ਨੰਬਰ 187, ਸੈਕਟਰ 15
ਖਰੜ
ਜਿਲ੍ਹਾ ਮੋਹਾਲੀ।
ਮੋਬਾਈਲ - 98888—42244
ਆਜਾਦੀ ਦਾ ਦਿਹਾੜਾ / ਵਿਵੇਕ
ਪੰਦਰਾਂ ਅਗਸਤ ਨੂੰ ਕੀ
ਕਹਿ ਬੁਲਾਵਾਂ
ਆਜਾਦੀ ਦਾ ਦਿਹਾੜਾ
ਜਾਂ ਲੋਕਾਂ ਦਾ ਉਜਾੜਾ
ਕੁਰਸੀ ਦੀ ਕਾਹਲੀ
ਲਾਲਸਾ ਨਾਮ ਚਮਕਾਉਣ ਦੀ
ਖੂਬ ਆਜਾਦੀ ਨੂੰ ਸੀ
ਇਹਨਾਂ ਭਰਮਾਇਆ
ਨਾਆਰੇ ਦੇਸ਼ ਭਗਤੀ ਦੇ
ਲਾਉਂਦੇ ਰਹੇ ਦਿਨ ਰਾਤ
ਇਸ ਆਜਾਦੀ ਦੇ ਨਾਮ 'ਤੇ
ਦੇਸ਼ ਨਾਲ ਲੋਕਾਂ ਨਾਲ
ਗਿਆ ਧ੍ਰੋਹ ਕਮਾਇਆ
ਆਜਾਦੀ ਮਿਲ ਗਈ
ਪ੍ਰਚਾਰ ਸਦਾ ਕਰਦੇ ਰਹੇ
ਉਹ ਆਜਾਦੀ ਜੋ ਮਿਲੀ ਨਹੀਂ
ਉਹ ਆਜਾਦ ਜੋ ਵੇਖੀ ਨਹੀਂ
ਹੁਣ ਪਿਆਰੇ ਦੇਸ਼ ਵਾਸੀਓ
ਤੁਸੀਂ ਹੀ ਦੱਸੋ
ਪੰਦਰਾਂ ਅਗਸਤ ਨੂੰ ਕੀ
ਕਹਿ ਬੁਲਾਵਾਂ
ਆਜਾਦੀ ਦਾ ਦਿਹਾੜਾ
ਜਾਂ ਲੋਕਾਂ ਦਾ ਉਜਾੜਾ
ਕੋਟ ਈਸੇ ਖਾਂ
ਮੋਗਾ
ਮੋਬਾਈਲ -70099 - 46458
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.