ਲਖਵਿੰਦਰ ਸਿੰਘ ਬਾਜਵਾ
ਗੀਤ
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਜਿੱਥੇ ਗੁਰ ਪਰਿਵਾਰ ਸਮਾਇਆ, ਓਥੇ ਮਸਤਕ ਧਰ ਆਈਏ।
ਚੱਲ ਚਾਂਦਨੀ ਚੌਂਕ ਨੂੰ ਜਿੱਥੇ, ਵੱਡਾ ਸਾਕਾ ਹੋਇਆ।
ਤੇਗ ਬਹਾਦਰ ਹਿੰਦ ਦੀ ਚਾਦਰ, ਬੀਜ ਧਰਮ ਦਾ ਬੋਇਆ।
ਜਿੱਥੇ ਦੁਨੀਆ ਭਰੇ ਹਾਜ਼ਰੀ, ਚੱਲ ਆਪਾਂ ਵੀ ਭਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਚੱਲ ਚਮਕੌਰ ਦਸਮ ਨੇ ਜਿੱਥੋਂ, ਨਵੀਂ ਤੋਰ ਕੇ ਰੀਤੀ,
ਹੱਥੀਂ ਤੋਰੇ ਜੰਗ ਨੂੰ ਪੁੱਤਰ , ਪਾਟੀ ਕਿਸਮਤ ਸੀਤੀ।
ਯਾਦਾਂ ਦਾ ਉਹ ਤਲਖ ਸਮੁੰਦਰ, ਆਪਾਂ ਵੀ ਬਿੰਦ ਤਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਮਾਛੀਵਾੜੇ ਦੀ ਧਰਤੀ ਤੇ, ਰੋੜ ਵਿਛਾ ਕੇ ਥੱਲੇ।
ਦੋ ਪਲ ਸੌਂ ਕੇ ਅਨੁਭਵ ਕਰੀਏ, ਸਮੇਂ ਓਸ ਨੂੰ ਕੱਲੇ।
ਇੱਕ ਦੋ ਕੰਡੇ ਯਾਦ ਉਹਦੀ ਦੇ, ਖੋਭ ਦਿਲੇ ਤੇ ਜਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਅੱਖਾਂ ਦੇ ਵਿੱਚ ਹੰਝੂ ਭਰ ਕੇ, ਕਦਮਾ ਵਿੱਚ ਰਵਾਨੀ।
ਚੱਲ ਸਰਹੰਦ ਗਏ ਕਰ ਜਿੱਥੇ, ਲਾਲ ਅਜਬ ਕੁਰਬਾਨੀ।
ਜੋਰਾਵਰ ਤੇ ਫਤਿਹ ਸਿੰਘ ਦੀ, ਮੌਤ ਖਿਆਲੀਂ ਮਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਗੁਜਰੀ ਤੇ ਜੋ ਗੁਜਰੀ ਤੱਕੀਏ, ਠੰਡੇ ਬੁਰਜ ਵਿੱਚ ਬਹਿ ਕੇ।
ਅਨੁਭਵ ਕਰੀਏ ਜਰਾ ਜਿਸਮ ਤੇ, ਪੋਹ ਦੀ ਠਾਰੀ ਸਹਿ ਕੇ।
ਤਿਪ ਤਿਪ ਚੋਂਦੇ ਰੁੱਖ ਤੱਕ ਨੈਣੋ, ਝਰਨੇ ਵਾਂਗੂੰ ਝਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ,
ਜਾ ਕੇ ਕਿਲੇ ਅਨੰਦਪੁਰ ਉੱਤੇ, ਜੇ ਦੰਡਵਤ ਨਾ ਕੀਤੀ।
ਬਾਜਾਂ ਵਾਲੇ ਸੰਗ ਬਾਜਵਾ, ਕਾਹਦੀ ਫੇਰ ਪ੍ਰੀਤੀ।
ਉਹਦੀ ਸਿੱਖਿਆ ਦੀ ਭਰ ਝੋਲੀ, ਵਾਪਸ ਆਪਣੇ ਘਰ ਆਈਏ।
ਚੱਲ ਦਿਲਾ ਉਸ ਧਰਤ ਪਿਆਰੀ, ਤਾਈਂ ਸਿਜਦਾ ਕਰ ਆਈਏ।
ਸੰਪਰਕ -
ਲਖਵਿੰਦਰ ਸਿੰਘ ਬਾਜਵਾ
ਪਿੰਡ ਜਗਜੀਤ ਨਗਰ (ਹਰੀਪੁਰਾ)
ਜ਼ਿਲ੍ਹਾ ਸਿਰਸਾ, ਹਰਿਆਣਾ
ਮੋਬਾਈਲ-9416734506
9729608492
ਇਹ ਵੀ ਪੜ੍ਹੋ -
ਨ ਲਫ਼ਜ਼ ਕੋਈ ਬਨਾ ਮੇਰੇ ਦਿਲ ਕਾ ਆਈਨਾ ਤਮਾਮ ਉਮਰ ਕਿਤਾਬੋਂ ਕਾ ਕਾਰੋਬਾਰ ਕੀਆ
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.