ਕਵਿਤਾ /ਲਖਵਿੰਦਰ ਸਿੰਘ ਬਾਜਵਾ
ਰੰਗ ਮੌਸਮ ਦੇ ਰਾਗ ਸਮੇਂ ਦੇ, ਫਸਲ ਸਮੇਂ ਸਿਰ ਹੋਵੇ।
ਕਾਵਿ ਸਮੇਂ ਸਿਰ ਜੇ ਨਾ ਹੋਵੇ, ਉਹ ਵੀ ਯਾਰ ਨਾ ਸੋਹਵੇ।
- - - -
ਕਵਿਤਾ ਉਹ ਕਿੰਨੀ ਸੁੰਦਰ ਹੈ,
ਕੁੱਜੇ ਵਿੱਚ ਬੰਦ ਸਮੁੰਦਰ ਹੈ।
ਇਹ ਵੇਗ ਸੁਚੱਜੇ ਵਹਿੰਦੀ ਏ,
ਜਿਓਂ ਨਦੀ ਪਹਾੜੋਂ ਲਹਿੰਦੀ ਏ।
ਫੁੱਲਾਂ ਤੇ ਜੀਕਣ ਭੌਰਾ ਏ,
ਖੁਸ਼ਬੂਆਂ ਸੰਗ ਲਟਬੌਰਾ ਏ।
ਝੋਕਾ ਸਮੀਰ ਸੁਹਾਣੀ ਦਾ,
ਇੱਕ ਹਾਨਣ ਦਾ ਇੱਕ ਹਾਣੀ ਦਾ।
ਜਾਂ ਸਾਵਣ ਦੀ ਬਦਲੋਟੀ ਏ,
ਕਿਣ ਮਿਣ ਦੀ ਨਰਮ ਚਕੌਟੀ ਏ।
ਸ਼ਬਨਮ ਦੇ ਮੋਤੀ ਘਾਹਵਾਂ ਤੇ,
ਜਿਓਂ ਪ੍ਰੀਤ ਪਰੁੱਚੀ
ਭਾਵਾਂ ਤੇ।
ਇਹ ਮਹਿਕ ਮਕਈ ਗੰਨੇ ਦੀ,
ਜਾਂ ਬਾਸਮਤੀ ਦੇ ਬੰਨੇ ਦੀ।
ਇਹ ਕਲੀ ਤਰੇਲਾਂ ਧੋਤੀ ਦੀ,
ਜਾਂ ਝਲਕ ਅਮੁੱਲੇ ਮੋਤੀ ਦੀ।
ਇਹ ਪਰੀ ਅਕਾਸ਼ੋਂ ਆਈ ਏ,
ਕੁਝ ਸੁਫਨ ਪਲਾਂ ਦੀ ਜਾਈ ਏ।
ਹੈ ਵਸਲਾਂ ਦੇ ਅਹਿਸਾਸ ਜਿਹੀ,
ਕੁਝ ਦੂਰ ਜਿਹੀ ਕੁਝ ਪਾਸ ਜਿਹੀ।
ਕੋਇਲ ਦੀ ਮਿੱਠੀ ਕੂਕ ਜਿਹੀ,
ਚਿੜੀਆਂ ਦੀ ਪਿਆਰੀ ਚੂਕ ਜਿਹੀ।
ਰੇਸ਼ਮ ਦੇ ਉਸ ਅਹਿਸਾਸ ਜਿਹੀ,
ਇਹ ਕਵਿਤਾ ਹੈ ਮਧੂਮਾਸ ਜਿਹੀ।
ਇਹ ਰੋਜ ਦਿਹਾੜੇ ਆਉਂਦੀ ਹੈ,
ਤੇ ਲਿਖਣ ਲਈ ਉਕਸਾਉਂਦੀ ਹੈ।
ਪਰ ਮੈਂ ਲਿਖਣੋ ਘਬਰਾਉਂਦਾ ਹਾਂ,
ਹਰ ਦਿਨ ਵਾਪਸ ਪਰਤਾਉਂਦਾ ਹਾਂ।
ਇਹ ਨਾਜੁਕ ਫੁੱਲ ਗੁਲਾਬ ਜਿਹੀ,
ਪੈਂਦੀ ਪਰ ਤਰੇਲ ਤੇਜ਼ਾਬ ਜਿਹੀ।
ਮੌਸਮ ਇਹਦੇ ਅਨੁਕੂਲ ਨਹੀ,
ਏਸੇ ਲਈ ਲਿਖਣ ਅਸੂਲ ਨਹੀ।
ਰੁੱਤ ਮਾਨਵਤਾ ਦੀ ਆਵੇਗੀ,
ਤੇ ਖਿਜ਼ਾਂ ਡਰਾਉਣੀ ਜਾਵੇਗੀ।
ਫਿਰ ਆਈ ਲਿਖ ਲਿਆਵਾਂਗਾ,
ਤੇ ਸਭ ਨੂੰ ਬੋਲ ਸੁਣਾਵਾਂਗਾ।
ਪਰ ਹਾਲੇ ਝਾ ਕਰ ਜਾਂਦੀ ਏ,
ਬੇ ਸ਼ਰਮਾ ਤੋਂ ਸ਼ਰਮਾਂਦੀ ਏ।
ਜਦ ਰੁੱਤ ਗਮੀ ਦੀ ਜਾਵੇਗੀ,
ਫਿਰ ਬਾਜਵਿਆ ਜਦ ਆਵੇਗੀ।
ਤਦ ਇਸ ਦੇ ਨਕਸ਼ ਉਤਾਰਾਂਗਾ,
ਕਾਗਜ਼ ਦਾ ਸੀਨਾ ਠਾਰਾਂਗਾ।
ਹਾਲੇ ਮੌਸਮ ਅਨੁਕੂਲ ਨਹੀ,
ਏਸੇ ਲਈ ਲਿਖਣ ਅਸੂਲ ਨਹੀ।
ਇਹ ਨਾਜ਼ੁਕ ਪੱਤੀਆਂ ਵਾਲੀ ਹੈ,
ਪੌਣਾ ਵਿੱਚ ਗਰਮੀ ਬਾਹਲੀ ਹੈ।
ਅੱਗ ਕਲਮ ਅਜੇ ਵਰਸਾਂਦੀ ਹੈ,
ਹਿੱਕ ਕਾਗਜ਼ ਦੀ ਜਲ ਜਾਂਦੀ ਹੈ।
ਕਾਨੀ ਦੀ ਸਾਂਗ ਬਣਾਵਾਂਗੇ,
ਇਹ ਜੁੱਗ ਜਦੋਂ ਪਲਟਾਵਾਂਗੇ।
ਨਫ਼ਰਤ ਦੇ ਝਾੜ ਉਖਾੜਾਂਗੇ,
ਸੂਲਾਂ ਦੇ ਝਾਫੇ ਸਾੜਾਂਗੇ।
ਜਦ ਪਿਆਰ ਬਗੀਚੇ ਲਾਵਾਂਗੇ,
ਏਹ ਕਵਿਤਾ ਓਦੋਂ ਗਾਵਾਂਗੇ।
ਸੰਪਰਕ -
ਪਿੰਡ ਜਗਜੀਤ ਨਗਰ (ਹਰੀਪੁਰਾ)
ਜ਼ਿਲ੍ਹਾ ਸਿਰਸਾ, ਹਰਿਆਣਾ
ਮੋਬਾਈਲ-9416734506
9729608492
ਇਹ ਵੀ ਪਸੰਦ ਕਰੋਗੇ -
ਗੁਰਮੁਖੀ ਅਤੇ ਸ਼ਾਹਮੁਖੀ ਲਿੱਪੀ ਵਿੱਚ ਮੁਸਲਸਲ ਗ਼ਜ਼ਲ / ਅੰਮ੍ਰਿਤਪਾਲ ਸਿੰਘ ਸ਼ੈਦਾ
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.