ਰਵਿੰਦਰ ਰਵੀ ਦੀਆਂ ਤਿੰਨ ਖ਼ੂਬਸੂਰਤ ਕਵਿਤਾਵਾਂ
Image by Gerd Altmann from Pixabay
ਤੁਰਦੇ ਫਿਰਦੇ ਕੰਪਿਊਟਰ
Image by Gerd Altmann from Pixabay
ਨਾ ਇਹ ਆਸ਼ਕ, ਨਾ ਇਹ ਕਾਮੀਂ,
ਨਾ ਇਹ ਪੀਰ, ਪੈਗ਼ੰਬਰ।
ਇਕ *ਮ੍ਹੀਨੇ ਵਿੱਚ ਬਾਰਾਂ ਮ੍ਹੀਨੇ,
ਚੜ੍ਹਿਆ ਰਹੇ ਦਸੰਬਰ।
ਬੇਰੁੱਤੇ, ਅਹਿਸਾਸ ਤੋਂ
ਸੱਖਣੇ,
ਰਿਸ਼ਤੇ ਸਿਫਰੇ, ਅੱਧੇ, ਪੌਣੇ।
ਇਕ ਦੂਜੇ ‘ਤੇ ਚੜ੍ਹ ਚੜ੍ਹ
ਉੱਤਰਨ,
ਬਿਜਲੀ ਦੇ ਖਿਡੌਣੇ।
ਹੋਰ ਕਿਸੇ ਦੀ ਸੋਚ ਨੂੰ ਸੋਚਣ,
ਆਪਣੇ ਪੰਨੇਂ ਕੋਰੇ।
ਨਾਲ ਮਖੌਟੇ, ਮਿਲੇ ਮਖੌਟਾ,
ਖ਼ੁਦ ਹੀ ਖ਼ੁਦ ਤੋਂ ਦੌੜੇ।
ਹੋਂਦ-ਵਿਹੂਣੇ ਬੁੱਤ ਤੁਰਦੇ ਨੇ,
ਭੀੜਾਂ ਦੇ ਭਟਕਾਏ।
ਨਿਰੇ ਵਿਹਾਰਕ ਪੁਤਲੇ ਜਾਪਣ,
ਖ਼ੁਦ ਨੂੰ ਸਮਝ ਨਾਂ ਪਾਏ।
ਕੰਪਿਊਟਰ ਦੀ ਸੱਭਿਅਤਾ ਹੈ ਇਹ,
ਆਪਣੀ ਖੇਡ, ਖਿਡਾਵੇ।
ਰੱਬ, ਸ਼ੈਤਾਨ ਵੀ ਇਸ
ਦੇ ਚਾਕਰ,
ਕਾਲ ਵੀ ਬੱਝਾ ਇਸ ਦੇ ਪਾਵੇ।
ਤੁਰਦੇ ਫਿਰਦੇ ਕੰਪਿਊਟਰ ਨੇ,
ਏਸ ਸਦੀ ਦੇ ਇਹ ਇਨਸਾਨ।
ਬਟਣ ਦਬਾਇਆਂ ਹਿੱਲਦੇ ਰਹਿੰਦੇ,
ਭੁੱਲ ਗਈ ਸਭ ਪਹਿਚਾਣ।
ਨਾ ਇਹ ਜਾਗਣ, ਸੌਣ ਵੀ ਨਾ ਇਹ,
ਜਾਗੋ-ਸੋਤੇ ਵਿੱਚ ਮਸ਼ੀਨਾਂ।
ਲਟਕੀਆਂ ਆਪ ਖਲਾਅ ਦੇ ਅੰਦਰ,
ਖੁੱਸੀਆਂ ਸਭ ਜ਼ਮੀਨਾਂ।
---
ਸ਼ਬਦ-ਸੰਕੇਤ-*ਮ੍ਹੀਨੇ – ਮਹੀਨੇ
Image by Anders Mejlvang from Pixabay
ਆਪੋ ਆਪਣਾ ਬ੍ਰਹਮੰਡ
Image by Anders Mejlvang from Pixabay
ਰੁੱਖਾਂ ਤੋਂ ਰੁੱਖ ਬੇਮੁੱਖ ਹੋਏ,
ਕੱਲੇ ਕੱਲੇ ਰਹਿੰਦੇ।
ਆਪਣਾ ਆਪ ਭੋਗਦੇ ਆਪੇ,
ਆਪਣੇ ਆਪ ‘ਚ ਰਹਿੰਦੇ।
ਮਹਾਂਨਗਰ ਵੀ ਰੂਪ ਹੈ ਵਣ ਦਾ,
ਹਰ ਘਰ ਜਾਪੇ ਇਕ ਇਕਾਈ।
ਘਰ ਵੀ ਵੰਡਿਆ ਕਮਰਿਆਂ ਦੇ ਵਿੱਚ,
ਹਰ ਕਮਰਾ ਹੀ ਆਪ ਖੁਦਾਈ।
ਇੱਕੋ ਨਜ਼ਰ, ਤੇ ਇਕ ਨਜ਼ਾਰਾ ,
ਇਕ ਸੰਕਲਪ ਤੇ ਇਕ ਇਸ਼ਾਰਾ।
ਇਕ ਕਿਸ਼ਤੀ, ਮੰਝਧਾਰ ਤੇ ਸਾਗਰ,
ਇਕ ਹੀ ਆਪਣਾ ਆਪ ਕਿਨਾਰਾ।
ਇਕ ਹੀ ਜੀਵੇ, ਇਕ ਹੀ ਮੰਗੇ,
ਇਕ ਹੀ ਆਪਣੀ ਆਪ ਲੋਕਾਈ।
ਇਕ ਦਾ ਇਕ ਦੇ ਨਾਲ ਯਰਾਨਾ,
ਪਿੰਡ, ਪਿੰਡ, ਬ੍ਰਹਮੰਡ ਦੀ
ਰੁਸ਼ਨਾਈ!!
Image by Izabela Rutkowska from Pixabay
ਮੁਹੱਬਤ: ਜ਼ਿੰਦਗੀ ਦੀ ਪਾਰ ਗਾਥਾ
Image by Izabela Rutkowska from Pixabay
ਮੁਹੱਬਤ ਸੁਭਾਵਿਕ ਹੀ,
ਇਕ ਦੂਜੇ ‘ਤੇ,
ਘਟਣ ਦਾ
ਅਹਿਸਾਸ ਹੈ!
ਮੁਹੱਬਤ ਵਿੱਚ,
ਮਹਿਕ, ਰੌਸ਼ਨੀ ਬਣ
ਜਾਂਦੀ ਹੈ
ਤੇ ਰੌਸ਼ਨੀ ਗੀਤ!
ਸੂਰਜ ਦੀਆਂ ਕਿਰਨਾਂ ਦੀ ਸਰਗਮ,
ਚੰਨ, ਤਾਰੇ, ਨਖਯੱਤਰ
ਵਿਖਾਉਂਦੀ ਹੈ!
ਨਿ੍ਰਤ ਕਰਦੀ ਆਬਸ਼ਾਰ,
ਨਦੀ ਗੁਣਗੁਣਾਉਂਦੀ ਹੈ!
ਮੁਹੱਬਤ,
ਪਿੰਡ, ਬ੍ਰਹਿਮੰਡ ਦੀ,
ਮਾਂ ਵੀ ਹੈ
ਤੇ ਮਹਿਬੂਬ ਵੀ!!!
ਮੁਹੱਬਤ,
ਜ਼ਿੰਦਗੀ ਦੀ
ਪਾਰ ਗਾਥਾ ਹੈ!!!
contact-
116-3530 Kalum
Street,
Terrace,B.C.,Canada
V8G 2P2
Telephone- 250
635 4455
Email- ravinderravi37@gmail.com
ਇਹ ਵੀ ਪਸੰਦ ਕਰੋਗੇ -
ਕੇਲੇ, ਮੇਲੀਆਂ ਦੇ ਪੂਰ ਲੰਘਦੇ ਖਾਲੀ ਹੁੰਦੇ ਨਾ ਸਜੇ ਹੋਏ ਮੇਲੇ.
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.