ਅਨੁਵਾਦ ਦੇ ਰੰਗ -ਗੁਰਮਾਨ ਸੈਣੀ
ਸਬਜ਼ੀ ਵਾਲ਼ੀ/ ਰਾਧੇਲਾਲ ਬਿਜਘਾਵਨੇ
ਸਬਜ਼ੀ ਵਾਲ਼ੀ ਔਰਤ
ਸਬਜ਼ੀ ਵਿੱਚ ਵੇਚਦੀ ਹੈ
ਆਪਣੀ ਚਾਹਤਾਂ ਤੇ ਦੁਸ਼ਵਾਰੀਆਂ
ਵੇਚਦੀ ਹੈ...
ਇੱਛਾਵਾਂ, ਆਸ਼ਾਵਾਂ, ਨੀਂਦ, ਸੁਪਨੇ
ਸਬਜ਼ੀ ਬਾਜ਼ਾਰ ਵਿੱਚ।
ਸਬਜ਼ੀ ਵੇਚਣ ਵਾਲੀ ਔਰਤ ਦਾ ਚਿਹਰਾ
ਹੌਲੀ ਹੌਲੀ ਉਤਰ ਆਉਂਦਾ ਹੈ ਸਬਜ਼ੀ ਵਿੱਚ
ਜਿਹੜਾ ਬੈਂਗਣ ਵਿੱਚ ਬੈਂਗਣੀ
ਟਮਾਟਰ ਵਿੱਚ ਲਾਲ, ਗੋਭੀ 'ਚ ਸਫ਼ੇਦ
ਮੇਥੀ- ਪਾਲਕ ਵਿੱਚ ਹਰਾ
ਤੇ ਮਿਰਚ ਵਿੱਚ ਤਿੱਖਾ ਲਾਲ ਹੁੰਦਾ ਹੈ।
ਸਬਜ਼ੀ ਵਿੱਚ...
ਕਾਮਿਆਂ ਤੇ ਸਬਜ਼ੀ ਵਾਲ਼ੀ ਦਾ
ਖੂਨ ਪਸੀਨਾ ਵਹਿੰਦਾ ਹੈ, ਵਿਕਦਾ ਹੈ।
ਸਬਜ਼ੀ ਵਿੱਚ ...
ਲੋਕ ਆਪਣਾ ਸਵਾਦ ਖਰੀਦਦੇ ਹਨ।
ਤੋਲਦੇ ਹਨ ਤੱਕੜੀ ਤੇ
ਬਾਜ਼ਾਰ ਦਾ ਚਰਿੱਤਰ, ਚਿਹਰਾ- ਮੋਹਰਾ।
ਸਬਜ਼ੀ ਵਾਲ਼ੀ ਸਬਜ਼ੀ ਵਿੱਚ
ਆਪਣੀ ਹਾਸੀ, ਖ਼ੁਸ਼ੀ ਤੇ ਚਰਿੱਤਰ ਵੇਚਦੀ ਹੈ
ਅਤੇ ਉਦਾਸੀ, ਨਿਰਾਸ਼ਾ ਤੇ ਹਤਾਸ਼ਾ
ਬੇਹੀ ਸਬਜ਼ੀ ਵਿੱਚ ਬਚਾ ਕੇ ਰੱਖ ਲੈਂਦੀ ਹੈ।
ਸਬਜ਼ੀ ਵਿੱਚ
ਸਬਜ਼ੀ ਵਾਲ਼ੀ ਦੇ ਘਰ ਦੀ ਚਿੰਤਾ ਹੁੰਦੀ ਹੈ
ਉਹ ਤੰਗੀਆਂ ਦੀ ਫਟੀ ਹੋਈ ਸਾੜੀ
ਰਾਤ ਦੇ ਹਨ੍ਹੇਰੇ ਵਿੱਚ ਗੰਢਦੀ ਹੈ
ਤੇ ਭੁੱਖ ਦਾ ਚੁੱਲ੍ਹਾ ਬਾਲ ਕੇ
ਪਤੀ ਦੀਆਂ ਗੁੱਸੇ ਭਰੀਆਂ ਸ਼ੰਕਾਵਾਂ
ਸਮੇਂ ਦੀ ਹਾਂਡੀ ਵਿੱਚ ਉਬਾਲਦੀ ਹੈ।
ਸਬਜ਼ੀ ਵਿੱਚ...
ਸਬਜ਼ੀ ਵਾਲ਼ੀ ਦੇ ਚਰਿੱਤਰ ਦੀਆਂ
ਸਭ ਸ਼ੰਕਾਵਾਂ ਛੁਪੀਆਂ ਹੁੰਦੀਆਂ ਹਨ
ਜਿਨ੍ਹਾਂ ਨੂੰ ਉਹ
ਚੁਪਚਾਪ ਵੇਚਦੀ ਹੈ ਸਬਜ਼ੀ ਦੇ ਨਾਲ।
ਤਮਾਮ ਲੋਕ ਸਬਜ਼ੀ ਨਾਲ
ਸਬਜ਼ੀ ਵਾਲ਼ੀ ਦਾ ਰੂਪ, ਹੁਸਨ
ਤੇ ਚਰਿੱਤਰ ਖਰੀਦਦੇ ਹਨ।
ਸਬਜ਼ੀ ਬਾਜ਼ਾਰ ਵਿੱਚ ਸਬਜ਼ੀ ਵਾਲ਼ੀ
ਸਮਾਜ, ਸਭਿਆਚਾਰ ਦੇ ਬਾਜ਼ਾਰ ਦਾ
ਚਰਿੱਤਰ ਤੇ ਆਚਰਨ ਨਾਪ ਕੇ
ਤੱਕੜੀ ਤੇ ਤੋਲਦੀ ਹੈ।
ਸਬਜ਼ੀ ਦੇ ਨਾਲ
ਸਬਜ਼ੀ ਵਾਲ਼ੀ ਦੀਆਂ
ਇੱਛਾਵਾਂ, ਸ਼ੰਕੇ, ਸੰਭਾਵਨਾਵਾਂ
ਕੱਟੀਆਂ ਤੇ ਤੁੜਕੀਆਂ ਜਾਂਦੀਆਂ ਹਨ
ਤੇ ਭੋਜਨ ਦੀ ਥਾਲੀ ਵਿੱਚ ਸਵਾਦ ਨਾਲ
ਪਰੋਸੀਆਂ ਤੇ ਖਾਈਆਂ ਜਾਂਦੀਆਂ ਹਨ।
ਸਮਾਜ, ਸਭਿਆਚਾਰ ਅਤੇ ਦੇਸ਼ ਦੇ
ਸਬਜ਼ੀ ਬਾਜਾਰ ਵਿੱਚ
ਸਬਜ਼ੀ ਵਾਲ਼ੀ ...
ਹਾਜ਼ਰ ਹੋ ਕੇ ਵੀ ਗੈਰਹਾਜ਼ਰ ਹੁੰਦੀ ਹੈ
ਉਹ ਉੱਪਰੋਂ ਹੱਸਦੀ ਹੈ ਅੰਦਰੋਂ ਰੋਂਦੀ ਹੈ।
ਹਿੰਦੀ ਮੂਲ : ਰਾਧੇਲਾਲ ਬਿਜਘਾਵਨੇ
ਪੰਜਾਬੀ ਅਨੁਵਾਦ :
ਰਾਬਤਾ : 9256346906
ਇਹ ਵੀ ਪਸੰਦ ਕਰੋਗੇ -
ਉਮੀਦਾਂ ਦੀ ਇਬਾਰਤ/ ਸੇਵਾ ਰਾਮ ਤ੍ਰਿਪਾਠੀ
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.