ਅਨੁਵਾਦ ਦੇ ਰੰਗ -ਗੁਰਮਾਨ ਸੈਣੀ
ਉਮੀਦਾਂ ਦੀ ਇਬਾਰਤ/ ਸੇਵਾ ਰਾਮ ਤ੍ਰਿਪਾਠੀ
ਕਿਸਾਨ..
ਉਜੜੇ ਮਹਾਂਦੀਪ ਦਾ ਕੋਈ ਟਾਪੂ ਨਹੀਂ
ਨਾ ਟੁੱਟੀਆਂ ਫੁੱਟੀਆਂ ਪੁਰਾਣੀਆਂ ਚੀਜ਼ਾਂ ਦਾ
ਕੋਈ ਅਜਾਇਬਘਰ
ਉਹ ਮਰੀਆਂ ਹੋਈਆਂ ਆਤਮਾਵਾਂ ਦਾ
ਦਫ਼ਤਰ ਵੀ ਨਹੀਂ
ਉਹ ਮਾਰਖੁੰਡਾਂ, ਅਪਰਾਧੀਆਂ ਅਤੇ
ਸ਼ੈਤਾਨਾਂ ਦਾ ਰੋਜ਼ਨਾਮਚਾ ਵੀ ਨਹੀਂ
ਉਹ ਕਬਰਾਂ ਅੰਦਰ
ਸੋਈ ਖਾਮੋਸ਼ੀ ਦਾ ਸ਼ੀਸ਼ਾ ਵੀ ਨਹੀਂ
ਉਹ ਗਿਰਦੀ ਪੈਂਦੀ
ਆਵਾਜ਼ਾਂ ਦੀ ਕਾਂਵਾਂ ਰੌਲੀ ਵੀ ਨਹੀਂ
ਉਸਦਾ ਖੂਨ ਇੰਨਾ ਹਲਕਾ ਵੀ ਨਹੀਂ
ਕਿ ਕੋਈ ਇਤਿਹਾਸ ਤੇ ਭੂਗੋਲ ਚੁੱਕ
ਉਸਨੂੰ ਪੁਰਾਤੱਤਵ ਦਾ ਠਿਕਾਣਾ ਬਣਾ ਦੇਵੇ।
ਉਹ ਪੁਰਾਣੀ ਪੱਗ ਜਾਂ ਦੇਸ਼ੀ ਜੁੱਤੀ ਦੀ
ਕੋਈ ਕਹਾਣੀ ਵੀ ਨਹੀਂ
ਉਹ ਤਾਂ ਦੇਸ਼ ਦੇਸ਼ਾਂਤਰਾਂ ਦੀਆਂ
ਤਮਾਮ ਤਸਵੀਰਾਂ ਵਿੱਚੋਂ ਤੱਕ ਰਿਹਾ ਹੈ
ਕੋਈ ਰਾਜਸੱਤਾ ਆਪਣੇ ਕੁਕਰਮਾਂ ਨਾਲ
ਉਸਦੀ ਹੈਸੀਅਤ ਢਕ ਨਹੀਂ ਸਕਦੀ।
ਅਨਾਜ ਅਤੇ ਖੁਰਾਕੀ ਫਸਲਾਂ ਦੀ ਰੋਸ਼ਨੀ ਵਿੱਚ
ਪੇਟ ਅਤੇ ਆਤਮਾਵਾਂ ਵਿੱਚ
ਮਹਿਕ ਦੇ ਬੱਦਲ ਘੁਮੜਦੇ ਹਨ
ਵਿਚਾਰੇ ਨਹੀਂ ਹਨ ਕਿਸਾਨ
ਧੋਖਾਧੜੀ ਨਾਲ ਹੱਥਾਪਾਈ ਕਰਦੀ
ਉਸਦੀ ਮਿਹਨਤ ਜਿੰਦਾ ਹੈ ਹਮੇਸ਼ਾ ਤੋਂ।
ਸਾਰੀ ਡਰਾਮੇਬਾਜ਼ੀ ਅਤੇ
ਪਖੰਡ ਲੀਲਾਵਾਂ ਦੇ ਮੁਕਾਬਲੇ
ਉਸਦੀ ਦੁਨੀਆਂ ਅਜਿੱਤ ਸਜੀ ਹੈ
ਧੂੜ-ਕਚਰਾ ਵਿਛਾਉਂਦੇ ਨਾਪਾਕ ਇਰਾਦੇ
ਇਕਲਾਪੇ ਦੀ ਹਨੇਰੀ ਸੁਰੰਗ ਵਿੱਚ ਦਫ਼ਨ
ਕਿਸਾਨ ਕਦੇ ਹਾਰਦਾ, ਕਦੇ ਜਿੱਤਦਾ
ਹੰਝੂਆਂ ਦੀ ਫੜ੍ਹ ਕੇ ਰੇਲਗੱਡੀ
ਅੰਤ ਨੂੰ ਆਪਣੀ ਮੰਜ਼ਿਲ ਤੱਕ
ਪਹੁੰਚ ਹੀ ਜਾਂਦਾ ਹੈ, ਕਿਸਾਨ
ਕਿਉਂਕਿ...
ਉਸਨੂੰ ਜਿਊਣਾ ਵੀ ਆਉਂਦਾ ਹੈ
ਤੇ ਮਰਨਾ ਵੀ।
ਹਿੰਦੀ ਮੂਲ : ਸੇਵਾ ਰਾਮ ਤ੍ਰਿਪਾਠੀ
ਪੰਜਾਬੀ ਅਨੁਵਾਦ :
ਗੁਰਮਾਨ ਸੈਣੀ
ਰਾਬਤਾ : 9256346906
ਇਹ ਵੀ ਪਸੰਦ ਕਰੋਗੇ -
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.