ਨਿਰਮਲ ਦੱਤ ਦਾ ਹਫ਼ਤਾਵਾਰੀ ਕਾਲਮ
ਸ਼ਬਦ ਚਾਨਣੀ---ਨਿਰਮਲ ਦੱਤ
ਦੋਹੇ
ਬੱਸ ਕੰਡਿਆਂ ਨੂੰ ਵੇਖਣਾ ਫੁੱਲਾਂ ਦਾ ਅਪਮਾਨ,
ਸਿੱਖ ਫੁੱਲਾਂ ਤੋਂ ਮਹਿਕਣਾ, ਲਿਖ ਮੁੱਖ 'ਤੇ ਮੁਸਕਾਨ.
ਜੇ ਕੋਈ ਕਿਧਰੇ ਦੁੱਖ ਹੈ, ਸੁੱਖ ਵੀ ਉਸ ਦੇ ਪਾਸ,
ਜਿੱਦਾਂ ਕਾਲ਼ੀ ਰਾਤ ਸੰਗ ਦਿਨ ਦਾ ਸਦਾ ਨਿਵਾਸ.
ਫਿਰ ਇੱਕ ਸੂਰਜ ਉੱਗਿਆ, ਕਿਰਨ-ਕਿਰਨ ਸੰਸਾਰ,
ਹਰ ਇੱਕ ਹੰਝੂ ਹੱਸ ਪਿਆ ਲਾਹ ਕੇ ਮਨ ਦਾ ਭਰ.
ਫਿਰ ਇੱਕ ਸੂਰਜ ਡੁੱਬਿਆ, ਦੁਨੀਆਂ ਕਰੇ ਵਿਲਾਪ,
ਹਰ ਹਾਸੇ ਨੂੰ ਚੜ੍ਹ ਗਿਆ ਫਿਰ ਹੰਝੂਆਂ ਦਾ ਤਾਪ.
ਦੁੱਖ ਦੀ ਸਮਝ ਹੈ ਲਾਜ਼ਮੀਂ, ਦੁੱਖ 'ਚੋਂ ਜੰਮੇਂ ਸੁੱਖ,
ਰੱਜਣ ਦਾ ਸੁੱਖ ਨਾ ਮਿਲੇ, ਦੁੱਖ ਨਾ ਦਏ ਜੇ ਭੁੱਖ.
ਨਜ਼ਮ
ਅੰਤਰ ਯਾਤਰਾ
ਇਹ ਕੋਈ ਵਹਿਮ
ਕੋਈ ਵਹਿਸ਼ਤ
ਜਾਂ ਕੋਈ ਨੀਂਦ ਸੀ ਉਸਦੀ
ਉਹ ਅਕਸਰ ਵੇਖਦਾ ਸੀ
ਕਿ ਉਸਦੇ ਮੱਥੇ ਉੱਤੇ
ਰਿਸਦਾ ਹੋਇਆ ਜ਼ਖ਼ਮ ਹੈ ਇੱਕ
ਤੇ ਉਹ ਇੱਕ ਬੇਵਸੀ ਤੋਂ ਬੇਵਸੀ ਤੱਕ
ਭਟਕਦਾ ਸੀ.
ਨਾ ਉਸ ਨੂੰ ਰੰਗ ਜਚਦੇ ਸੀ
ਨਾ ਉਸ ਨੂੰ ਸਾਜ਼ ਜਚਦੇ ਸੀ
ਨਾ ਉਸ ਨੂੰ ਜਾਮ ਜਚਦੇ ਸੀ
ਤੇ ਨਾ ਹੀ ਨਿਰਤ ਦੇ ਅੰਦਾਜ਼ ਜਚਦੇ ਸੀ.
ਹਜ਼ਾਰਾਂ ਖ਼ੌਫ਼ ਸਨ
ਦਹਿਸ਼ਤ ਕੋਈ ਇੱਕ ਸੁਲਘਦੀ ਹੋਈ
ਕਿ ਉਸਦੀ ਰਾਤ ਵੀ ਜਲ਼ਦੀ ਸੀ
ਉਸ ਦੇ ਦਿਨ ਵੀ ਮਚਦੇ ਸੀ.
ਓਹਦੀ ਪਤਨੀ
ਓਹਦੇ ਬੱਚੇ ਵਿਚਾਰੇ
ਪੁੱਛਦੇ ਰਹੇ ਬੋਧ-ਬਿਰਖਾਂ ਤੋਂ
ਕਿ ਇਹ ਜੋ ਆਪਣੇ ਤੋਂ ਦੂਰ ਹੈ
ਕਦ ਤੱਕ ਮੁੜੇਗਾ ਆਪਣੇ ਤੱਕ.
ਕਈ ਬੇ-ਸੁਰ ਜਿਹੀਆਂ ਰੁੱਤਾਂ
ਕਈ ਬੇ-ਤਾਲ ਜਿਹੇ ਮੌਸਮ
ਗੁਜ਼ਰ ਚੁੱਕੇ ਨੇ ਹੁਣ ਜਦ
ਉਹ ਜਿਹੜਾ ਆਪਣੇ ਤੋਂ ਦੂਰ ਸੀ
ਅੰਤਰ ਯਾਤਰਾ ਪਿੱਛੋਂ
ਆਪਣੇ ਤੱਕ ਪਰਤ ਆਇਆ ਹੈ.
ਓਹਦੇ ਸਭ ਇਸ਼ਟ
ਸਾਰੇ ਦੇਵਤੇ
ਓਹਦੇ ਸਜਦੇ
ਓਹਦੀ ਪੂਜਾ
ਤੇ ਉਸਦੀ ਆਰਤੀ
ਓਹਦੇ ਚਿਹਰੇ 'ਤੇ ਫ਼ੈਲੇ ਨੂਰ ਵਿਚੋਂ
ਨਜ਼ਰ ਆਓਂਦੇ ਨੇ.
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
%20(1).jpeg)
.jpeg)
.jpeg)
0 Comments
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.